(روزنامہ قدس ۔آن لائن خبر رساں ادارہ) اسلامی جہاد نے اسلامی تحریک مزاحمت’حماس’ کو جماعت کے 32 ویں یوم تاسیس پر مبارک باد پیش کرتے ہوئے کہا ہےکہ قابض صہیونی دشمن کے خلاف مسلح جہاد اور مزاحمت کے میدان میں حماس اسلامی جہاد ایک صفحے پر ہیں۔
مقبوضہ فلسطین میں صیہونی ریاست اسرائیل کے مظالم کے خلاف برسرپیکار مزاحمتی تحریک اسلامی جہادکے ترجمان نے اپنے ایک جاری بیان میں مزاحتمی تحریک حماس کے 32 ویں یوم تاسیس پر مبارکباد دیتے ہوئے کہا ہے کہ حماس اور اسلامی جہاد فلسطین کی آزادی کےلیےمسلح جہادپر یقین رکھتی ہیں، دونوں جماعتیں قضیہ فلسطین کے خلاف سازشوں کو ناکام بنانے کے لیے پیش پیش ہیں اور مل کر کام کریں گی۔
ترجمان کا بیان میں مزید کہنا تھا کہ دونوں جماعتوں کے کارکنوں نے جہاد آزادی فلسطین میں موثر کردار ادا کیا ہے اور تحریک آزادی کے لیے جانوں کی قربانیاں دی ہیں۔
واضح رہے کہ آج سے 32 سال پیشتر14 دسمبر 1987ء کو فلسطینی قوم کے روحانی پیشوا الشیخ احمد یاسین شہید نے حماس کی بنیاد رکھی تھی اور حماس اس وقت فلسطین اور بیرون ملک 32 ویں یو تاسیس کی تقریبات منا رہی ہے۔