(روزنامہ قدس ۔آن لائن خبر رساں ادارہ) حماس کے سابق سربراہ کا کہنا ہے کہ یاسر عرفات کے مشیر احمد عبدالرحمان کی وفات قضیہ فلسطین کا نقصان ہے۔
حماس کے سیاسی شعبے کے سابق صدر خالد مشعل نے بھی ٹیلیفون پر صدر محمود عباس سے سابق فلسطینی مشیر احمد عبدالرحمان کی وفات پر افسوس کا اظہار کیا۔
خالد مشعل نے احمد عبدالرحمان کی وفات پر صدر عباس سے بات کرتے ہوئے کہا کہ مرحوم فلسطینی قوم کےلیے بہت زیادہ مخلص اور درد دل رکھنے والے رہ نما تھے۔خیال رہے کہ تحریک فتح کے رہ نما اور سابق فلسطینی مشیر احمد عبدالرحمان 76 سال کی عمر میں دو روز قبل رام اللہ میں انتقال کرگئے تھے۔