ایک اسرائیلی عدالت نے اسلامی تحریک مزاحمت [حماس] کے عسکری ونگ عزالدین القسام بریگیڈ کے شہید کمانڈر یحی عیاش کے چچا عطا عیاش پر فرد جرم عائد کی ہے۔
اکسٹھ سالہ اسیر کے اہل خانہ کے مطابق عطا عیاش کے مقدمے کی سماعت 26 مئی کو ہوگی۔ عطا عیاش مبینہ طور پر غزہ اور مغربی کنارے مغربی میں شہید بھتیجے کے لواحقین کی مالی مدد کرتے رہے ہیں۔ عطا عیاش کے وکیل ابو فارس نے بتایا کہ آئندہ ہفتے وہ اپنے مؤکل کی رہائی کے لئے اپیل دائر کریں گے۔
یاد رہے کہ عطا عیاش کو 13 اپریل کو مقبوضہ فلسطین میں گرفتاری کے بعد بیتح تکفا جیل میں رکھا گیا جہاں سے بعد میں انہیں مغربی کنارے کے شہر جنین کی بدنام زمانہ مجدو جیل منتقل کر دیا گیا۔
عطاء عیاش اردن کی اسلامی خیراتی انجمن میں ڈائریکٹر تعلقات عامہ ہیں۔ اس سے قبل انہیں وہ اردن کی وزارت تعلیم و تربیت میں تین دھائیوں تک درس و تدریس لے فرائض سرانجام دے چکے ہیں۔ ایک ماہ قبل انہیں اردن کے شاہ حسین برج پر اس وقت گرفتار کیا گیا جب وہ مغربی کنارے کے شہر سلفیت سے واپس آ رہے تھے۔
بشکریہ:مرکز اطلاعات فلسطین