ترکی کے وزیراعظم احمد داود اوگلو نے کہا ہے کہ ان کا ملک بیت المقدس اور مسجد اقصیٰ کے دفاع میں فلسطینی قوم کی یہودیوں کے خلاف مزاحمت کی حمایت کرتا ہے۔ ان کا کہنا ہے کہ ترکی قبلہ اول کے اسلامی اسٹیٹس میں کسی قسم کی تبدیلی کو قبول نہیں کرے گا۔
مرکز اطلاعات فلسطین کے مطابق ترک وزیراعظم نے ان خیالات کا اظہار قونیہ شہر میں جسٹس اینڈ ڈویلپمنٹ پارٹی ’’آق‘‘ کے سالانہ اجتماع سے خطاب کے بعد ایک نیوز کانفرنس کے دوران کیا۔ انہوں نے کہا کہ مسجد اقصیٰ کی موجودہ حیثیت میں تبدیلی سے متعلق صہیونی ریاست کی طرف سے کوئی تبدیلی قبول نہیں کی جائے گی۔
اسرائیلی میڈیا نے ترک وزیراعظم احمد دائود اوگلو کے بیان کو بڑھا چڑھا کر پیش کیا۔ اسرائیلی اخبارات اور ٹیلی ویژن چینلوں کی رپورٹس کے مطابق احمد داود اوگلو نے یہ قونیہ میں اسلامی تحریک مزاحمت ’’حماس‘‘ کے رہ نما اور جماعت کے سیاسی شعبے کے نگران خالد مشعل سے ملاقات کے بعد کہی۔
بشکریہ:مرکزاطلاعات فلسطین