محمود عباس آج رام اللہ میں عزیز دویک سے مل رہے ہیں

مغربی کنارے کی فلسطینی اتھارٹی کے صدر محمود عباس آج حماس سے تعلق رکھنے والے فلسطینی مجلس قانون ساز کے اسپیکر عزیز دویک سے رام اللہ میں ملاقات کر رہے ہیں۔ اس ملاقات میں دونوں رہنما فلسطینی مفاہمت پر تبادلہ خیال کریںگے۔

فلسطینی اراکین پارلیمان کے قریبی ذرائع نے خبررساں ایجنسی ’’قدس پریس‘‘ کے نمائندے کو بتایا کہ یہ ملاقات دوپہر ایک بجے شروع ہو گی جس میں عباس اور عزیز دویک کے ساتھ ساتھ القدس سے بے دخل کیے گئے رکن پارلیمان احمدعطون بھی شامل ہونگے۔ اراکین پارلیمان یاسر منصور، ریاض العملہ، خالد طافش اور سابق وزیر تعلیم و تربیت ناصر الدین بھی مذاکرات میں شریک رہینگے۔
ذرائع کے بہ قول مغربی کنارے کے انتظامی دار الحکومت راماللہ میں فلسطینی صدر کے آفس میں ہونے والی اس ملاقات کے دوران 22 دسمبر کو قاھرہ میں تمام فلسطینی جماعتوں کے درمیان طے پانی والی مفاہمت پر عمل درآمد کے متعلق گفت و شنید ہو گی۔