اسلامی تحریک مزاحمت”حماس” نے خبردار کیا ہے کہ غزہ کی پٹی اسرائیلی فوج کی مسلسل جارحیت ناقابل برداشت ہے۔ فلسطینی مجاہدین صہیونی جارحیت کا منہ توڑ جواب دیں گے۔
مرکز اطلاعات فلسطین کے سیاسی شعبے کے سینیئر رُکن عزت الرشق نے ایک بیان میں کہا ہے کہ اسرائیلی فوج نے گذشتہ دو روز کے دوران غزہ کی پٹی پر وحشیانہ گولہ باری میں دو فلسطینیوں کو شہید کیا ہے۔ حماس اور دیگر مزاحمتی تنظیمیں شہداء کے خون کو رائیگاں نہیں جانے دیں گی اور صہیونی فوج کو طاقت کے استعمال کا جواب دینا ہو گا۔
عزت الرشق کا کہنا تھا کہ اسرائیل بوکھلاہٹ کا شکار ہے۔ مجاھدین کے خوف اور دہشت سے پاگل اسرائیل طاقت کے وحشیانہ استعمال پر اتر آیا ہے اور نہتے شہریوں کو ٹارگٹ کلنگ کا نشانہ بنا رہا ہے۔
حماس رہ نما نے کہا کہ اسرائیل تین یہودی آباد کاروں کی گم شدگی کےباعث مغربی کنارے میں کریک ڈاؤن سے عالمی توجہ ہٹانے کے لیے غزہ کی پٹی پر بمباری کر رہا ہے۔
عزت الرشق نے کہا کہ صہیونی فوج دو ہفتے قبل لاپتا ہونے والے تین یہودی آباد کاروں کی تلاش میں بری طرح ناکام رہا ہے اور اب بوکھلاہٹ کا شکار ہو گیا ہے۔ انہوں نے کہا کہ غزہ کی پٹی پر اسرائیلی فوج کی جارحیت ناقابل قبول اور وحشیانہ دہشت گردی ہے اور اس کے سنگین نتائج کی ذمہ داری قابض صہیونی ریاست پرعائد ہو گی۔
بشکریہ:مرکزاطلاعات فلسطین