اسلامی تحریک مزاحمت کے ترجمان حسام بدران کے مطابق حماس کی سیاسی بیورو کے سربراہ خالد مشعل اسی ماہ کے دوران ماسکو کے دورے پر جائیں گے جہاں وہ روسی عہدیداروں سے ملاقات کریں گے۔
غزہ سے شائع ہونیوالے اخبار ‘فلسطین’ نے بدران کے حوالے سے بتایا ہے کہ خالد مشعل کو ماسکو دورے کی باقاعدہ دعوت ملی تھی۔ انہوں نے بتایا کہ یہ دورہ حماس کے خارجہ تعلقات کا حصہ ہے اور اس کا مقصد مسئلہ فلسطین کے لئے زیادہ سے زیادہ حمایت اکٹھی کرنا ہے۔
حماس ترجمان نے بتایا کہ مشعل اس دورے کے دوران مسئلہ فلسطینی میں ہونیوالی پیش رفت اور اسرائیلی کی فلسطینی عوام کے خلاف کی جانیوالی خلاف ورزیوں پر بات چیت کریں گے۔
حسام بدران کے مطابق مشعل کے دورہ ماسکو سے پہلے ان کے اور روسی نائب وزیر خارجہ میخائل بوگدانو کے درمیان دوہا میں بھی ملاقات ہوچکی ہے۔