حمدان نے الاقصٰی ٹی وی چینل کو دئیے جانے والے ایک انٹرویو میں بتایا ہے کہ حماس نے حال ہی میں ایک سینئیر مصری عہدیدار سے ملاقات کی ہے اور دونوں فریقین نے دو طرفہ تعلقات میں اضافہ پر اتفاق کیا ہے۔
انہوں نے مصری عدالت کی جانب سے حماس کو دہشت گرد تنظیم قرار دینے کے فیصلے کو واپس لینے کے عمل کو صحیح راہ میں قدم قرار دیا۔ حمدان نے امید ظاہر کی کہ اس فیصلے کے نتیجے میں حماس کو مصر میں اپنا مقام واپس مل جائے گا۔
قاہرہ میں اہم معاملات پر اپیلوں کی کورٹ نے ہفتے کے روز فیصلہ جاری کیا ہے کہ اسلامی تحریک مزاحمت [حماس] کو دہشت گرد تنظیم قرار دینے کا فیصلہ مصری عدالت کے دائرہ کار میں نہیں آتا اسی لئے یہ فیصلہ درست نہیں ہے۔
مصر نے حماس اور قابض اسرائیل کے درمیان پچھلے سال ہونے والی جنگ کے دوران ثالث کا کردار ادا کرتے ہوئے صلح کروائی تھی۔
بشکریہ:مرکزاطلاعات فلسطین