(روزنامہ قدس ۔آن لائن خبر رساں ادارہ) حماس کے وفد نے ترکی کے سفیرکو فلسطین کی موجودہ صورت حال اور قابض صیہونی ریاست کے فلسطینیوں کے خلاف سنگین جرائم کے بارے میں تفصیلات سے آگاہ کیا ۔
غیر ملکی خبر رساں ادارے کی رپورٹ کے مطابق گزشتہ روز لبنان میں موجود اسلامی مزاحتمی تحریک ‘حماس’ کے مندوب احمد عبدالھادی کی قیادت میں حماس کے شعبہ تعلقات عامہ کے سربراہ جہاد طہ، ایمن شناعہ، مشہور عبدالحلیم اور عبدالمجید عوض پر مشتمل وفد نے لبنان کے دارالحکومت بیروت میں متعین ترکی کے سفیر حاقان چاقیل سے اہم ملاقات کی۔
ملاقات میں دو طرفہ امور، فلسطین کی تازہ ترین صورت حال اور علاقائی اور عالمی امور پرتبادلہ خیال کیاگیا جبکہ حماس کے وفد نے ترکی کے سفیرکو فلسطین کی موجودہ صورت حال اور قابض صیہونی ریاست کے نہتے فلسطینیوں کےخلاف سنگین جرائم کے حوالے سے تفصیلی آگاہ کیا ۔