(فلسطین نیوز۔مرکز اطلاعات) اسلامی تحریک مزاحمت ’’حماس‘‘ کے سیاسی شعبے کے سربراہ خالد مشعل نے ’’القدس‘‘ نیوز چینل کو تفصیلی انٹرویو دیا ہے جس میں انہوں نے آزادی فلسطین اور مزاحمتی پروگرام کی تزویراتی حکمت عملی پرتفصیل سے روشنی ڈالی ہے۔ ان کا یہ انٹرویو کل سوموار اور پرسوں منگل کو دو قسطوں میں نشر کیا جائے گا۔
رپورٹ کے مطابق خالد مشعل کا تازہ انٹرویو القدس ٹی وی کے پروگرام’صلاح الدین کے نقش قدم پر‘ کے عنوان سے نشر ہونے والے پروگرام کے لیے ریکارڈ کیا گیا ہے۔خیال رہے کہ صلاح الدین ایوبی کے نقش قدم پرکے عنوان سے پروگرام فاتح بیت المقدس اور معروف مسلمان سپہ سالار صلاح الدین ایوبی کی یاد میں ترتیب دیا گیا ہے جس کے اب تک 45 سلسلہ وار پروگراموں میں نمائندہ فلسطینی شخصیات کو مدعو کیا جاتا ہے۔