مرکزاطلاعات فلسطین کے مطابق "القسام” کی جانب سے جاری ایک بیان میں کہا گیا ہے کہ رام اللہ اور نابلس کے درمیان "شیفوت راحیل” یہودی کالونی کے قریب فائرنگ کرکے ایک یہودی آباد کو ہلاک اور تین کو زخمی کرنے کی کارروائی تنظیم کےد ذیلی گروپوں نے کی تھی۔
بیان میں کہا گیا ہے کہ 29 جون کو رام اللہ کے قریب القسام کے مجاہدین نے یہودی آباد کاروں کی ایک گاڑی کو نشانہ بنایا جس میں سوار چاریہودی زخمی ہوگئے تھے۔ ان میں سے ایک زخمی گذشتہ روز زخموں کی تاب نہ لاتے ہوئے ہلاک ہوگیا۔
بیان میں مزید کہا گیا ہے کہ القسام کے مجاھدین نے یہودی آباد کاروں کو نہایت قریب سے گولیاں ماریں اور کارروائی کرنے کے بعد بہ حفاظت وہاں سے نکلنے میں کامیاب ہوگئے تھے۔ القسام کا کہنا ہے کہ یہ کارروائی مروان القواسمہ اور عامر ابو عیشہ نامی دو گروپوں نے مشترکہ طورپر کی تھی۔ حماس نے رام اللہ میں یہودی آباد کاروں پر حملے کے واقعے کی تائید کرتے ہوئے کہا تھا کہ یہ حملہ صہیونیوں کی فلسطینیوں کے خلاف ریاستی دہشت گردی کا فطری رد عمل ہے اور اس نوعیت کے حملے مزید بھی جاری رہنے چاہئیں۔ القسام بریگیڈ کا کہنا ہے کہ رام اللہ میں یہودی آباد کاروں پر حملہ دشمن کے لیے مجاھدین کا پیغام ہے کہ تمام ترمظالم اور مزاحمت کو کچلنے کے لیے کی جانےوالی سازشوں کے باوجود مزاحمت ابھی زندہ ہے۔
بشکریہ:مرکزاطلاعات فلسطین