حماس کے سینئر رہنما صلاح البردویل کا کہنا ہے کہ فلسطینی اتھارٹی کے صدر محمود عباس کی وفادار فلسطینی خفیہ ایجنسیوں نے پچھلے سال غزہ میں اسرائیلی حملے کے دوران تقریبا 30 فیصد اہداف کی نشاندہی کی تھی۔
ایک انٹرویو میں البردویل نے بتایا ہے کہ غزہ کے سیکیورٹی اداروں نے مشتبہ افراد کے ایک گروپ کی تفتیش کرتے ہوئے یہ پایا ہے کہ فلسطینی اتھارٹی کے کئی نمایاں رہنما اسرائیل کے ساتح سیکیورٹی تعاون میں شامل ہیں۔
ملزمان کے پاس سے برآمد ہونے والی دستاویزات اور ان کے اقبال جرم سے معلوم ہوا ہے کہ محمود عباس کی ایجنسیوں نے پچھلی جنگ کے دوران 29 فیصد اہداف کی نشاندہی کی تھی جن میں سے 60 فیصد کو براہ راست نشانہ بنایا گیا تھا۔
اس اسرائیلی جارحیت کے نتیجے میں ہزاروں فلسطینی شہید ہوگئے تھے جن میں سینکڑوں خواتین اور معصوم بچے بھی شامل تھے۔ اس حملے کے دوران کئی سو فلسطینی گھر بھی ملبے کے ڈھیر میں تبدیل ہوگئے تھے۔
بشکریہ:مرکزاطلاعات فلسطین