غزہ میں فلسطینی عوام کی فتح کے حوالے سے خصوصی نشریات کا اہتمام فلسطین میڈیا گروپ کی جانب سے کیا گیا تھا۔ فلسطین پریس کلب کے ایک عہدیدار نے بتایا کہ بیس سے زیادہ عرب ممالک کے عربی میں نشریات پیش کرنے والے ٹیلی ویژن چینلز نے ملی نغمے اور خصوصی پروگرام پیش کیے۔ فلسطینی ٹی وی پر مراکشی فن کار رشید غلام کو خصوصی طور پر مدعو کیا گیا تھا جنہوں نے "یا غزہ” کے عنوان سے تیار کردہ ایک نیا ترانہ اپنی خوبصورت آواز میں پیش کیا۔
اس کے علاوہ مختلف ٹیلی ویژن چینلز نے مشترکہ طور پر "قوم اپنی نصرت کا اہتمام خود کرتی ہے” کے عنوان سے پروگرام پیش کیے گئے، جن میں گیارہ عرب فنکاروں نے حصہ لیا۔ مرکز اطلاعات فلسطین کے مطابق غزہ میں مزاحمت کی فتح کے حوالے سے خصوصی نشریات پیش کرنے والے ٹیلی ویژن چینلوں میں القدس، الاقصیٰ، فلسطین الیوم، الحوار، الشروق، المتوسط، الزیتونہ، السبیل، الیرموک، السودان، الخرطوم، الترکیہ اور البغداد جیسے نشریاتی ادارے شامل ہیں۔