مصری حکام نے فلسطین کے علاقے غزہ کی پٹی سے متصل رفح گذرگاہ تین دن کے لیے دو طرفہ ٹریفک کے لیے کھولنے کا اعلان کیا ہے۔رفح گذرگاہ کو آئندہ ہفتے سے کھولا جائے گا۔
مرکزاطلاعات فلسطین کے مطابق فلسطینی بارڈر امور کے انچارج ماھرابوصبحہ نے اپنے ایک بیان میں بتایا کہ مصری حکام نے انہیں مطلع کیا ہے کہ آئندہ ہفتے تین تک رفح گذرگاہ دو طرفہ ٹریفک کے لیے کھولی جائے گی۔
انہوں نے بتایا کہ رفح گذرگاہ ہفتہ، اتوار اور سوموار کو کھلی رہے گی۔ اس دوران غزہ کی پٹی میں بیرون ملک جانے والے مریضوں، طلباء اور دوسرے شہریوں کو مصر جانے کی اجازت ہوگی۔
خیال رہے کہ رفح گذرگاہ پچھلے دو سال سے زیادہ تر بند رہتی ہے جس کے باعث غزہ کے عوام کو سخت مشکلات کا سامنا کرنا پڑتا ہے۔ دو ہفتے قبل مصر نے صرف دو روز کے لیے رفح گذرگاہ کھولی تھی جس میں باہر سے آنے والوں کو غزہ داخلے کی اجازت دی گئی تھی۔
بشکریہ:مرکزاطلاعات فلسطین