غزہ کی پٹی کی تعمیر کے حوالے سے قطر کی جانب سے قائم کردہ کمیٹی کے چیرمین اور فلسیطنی اتھارٹی کے ہاں تعینات قطری سفیر محمد العمادی نے گذشتہ روز جنگ اور ناکہ بندی سے تباہ حال غزہ کی پٹی کا دورہ کیا۔ انہوں نے قطر کے تعاون سے غزہ کی پٹی میں جاری ترقیاتی اور تعمیراتی منصوبوں پر کام کی رفتار کا بھی جائزہی لیا۔
رپورٹ کے مطابق غزہ کی تعمیرنو کے لیے قائم کردہ قطری کمیٹی کے تکنیکی شبعے کے سربراہ احمد ابو راس نے میڈیا کو بتایا کہ محمد العمادی بغیر کسی پیشگی اطلاع یا اعلان کے اچانک غزہ کی پٹی پہنچے جہاں انہوں نے دوحہ حکومت کی جانب سے شروع کیے گئے ترقیاتی منصوبوں کا جائزہ لیا۔
ابو راس نے بتایا کی محمد العمادی اسرائیل کے زیرانتظام ’’ایریز‘‘گذرگاہ سے غزہ آئے جہاں انہوں نے فلسطینی قومی حکومت کے عہدیداروں سے بھی ملاقات کی۔ العمادی چند روز تک غزہ کی پٹی میں رہیں گے جہاں وہ جاری ترقیاتی اور تعمیراتی منصوبوں کا مزید بھی جائزہ لیں گے۔
قبل ازیں العمادی 9 اکتوبر کو غزہ کے دورے پرآئے تھےجہاں انہوں نے غزہ کی پٹی میں جاری 60 ملین ڈالر کے منصوبوں کا جائزہ لیا تھا۔