غزہ (روز نامہ قدس ۔آن لائن خبر رساں ادارہ) صیہونی حکام نے غزہ کی پٹی کے ماہی گیروں کو پندرہ ناٹیکل میل تک سمندر میں ماہی گیری کی اجازت دی ہے۔
روز نامہ قدس کو موصول ہونے والی اطلاعات کے مطابق مصر کی طرف سے غزہ کے ماہی گیروں کے لیے شکار زون میں توسیع کی خاطر اسرائیل سے مذاکرات کیے جس کے بعد اسرائیلی حکام غزہ کے شہریوں کو سمندر میں پندرہ کلومیٹر تک مچھلیاں پکڑنے کی اجازت دیں گے۔
غزہ میں ماہی گیر یونین کے سربراہ نزار عیاش نے ’’صفا‘‘ نیوز ایجنسی سے بات کرتے ہوئے کہا کہ اسرائیلی حکام کی طرف سے انہیں بتایا گیا کہ غزہ کے ماہی گیر 6 ناٹیکل میل تک سمندر میں ماہی گیری کر سکتے ہیں۔ اس کے بعد اس کا دائرہ بڑھا کر 12 کلومیٹر اور پھر 15 کلو میٹر تک کر دیا گیا۔
ان کا کہنا تھا کہ اسرائیل نے غزہ کے ماہی گیروں کو فائبر گلاس کی سپلائی کی اجازت دینے پر غور شروع کیا ہے۔