غزہ کے صبرہ محلے میں قابض اسرائیلی بمباری، آٹھ فلسطینی شہید

(روزنامہ قدس ـ آنلائن خبر رساں ادارہ) قابض اسرائیلی فوج کی وحشیانہ جارحیت کے نتیجے میں جنوبی غزہ کے محلہ صبرہ میں شہری گھروں کو نشانہ بنایا گیا جس کے نتیجے میں آٹھ نہتے فلسطینی شہید اور متعدد زخمی ہو گئے۔

قابض اسرائیلی جنگی طیاروں نے شہری آبادی پر وحشیانہ حملہ کیا جس کے نتیجے میں آٹھ افراد شہید اور کئی دیگر شدید زخمی ہوئے۔

اطلاعات کے مطابق شہداء میں محمد وائل القایض، محمد ماہر القایض، محمد علاء القایض، معصوم بچہ ماہر ابراہیم القایض، ابراہیم ماہر القایض، احمد رفیق ابو دف، محمد الغولہ اور معاذ الفاخوری شامل ہیں۔

یاد رہے کہ سات اکتوبر سنہ2023ء سے قابض اسرائیل نے غزہ پر کھلی جنگ مسلط کر رکھی ہے جو دراصل مکمل نسل کشی کی صورت اختیار کر چکی ہے۔ یہ جنگ قتل و غارت، قحط مسلط کرنے، تباہی مچانے اور جبری ہجرت پر مبنی ہے۔ قابض اسرائیل نے تمام بین الاقوامی آوازوں کو پس پشت ڈال دیا ہے اور عالمی عدالتِ انصاف کے ان احکامات کو بھی نظرانداز کیا ہے جن میں جارحیت روکنے کا کہا گیا تھا۔

اس ہولناک نسل کشی میں اب تک باسٹھ ہزار چھ سو چھیاسی فلسطینی شہید اور ایک لاکھ ستاون ہزار نو سو اکاون زخمی ہو چکے ہیں جن میں بڑی تعداد بچوں اور خواتین کی ہے اور نو ہزار سے زائد فلسطینی تاحال لاپتہ ہیں جبکہ لاکھوں افراد جبری طور پر بے گھر ہو چکے ہیں۔ قابض دشمن کی مسلط کردہ بھوک اور قحط نے درجنوں بچوں سمیت بڑی تعداد میں شہریوں کی زندگیاں نگل لی ہیں۔