غزہ پر سفاکانہ اسرائیلی جنگ کے دو سال، سڑسٹھ ہزار شہید اور لاکھوں زخمی

(روزنامہ قدس ـ آنلائن خبر رساں ادارہ) ساتھ اکتوبر 2023 ء کو قاتل ناجائز صہیونی حکومت سمیت دنیا کو حیران کردینے والے طوفان الاقصیٰ آپریشن اور غزہ پر مسلط اسرائیلی جنگ کو 2 سال مکمل ہوگئے۔ غیرملکی خبررساں ادار ے کے مطابق قابض اسرائیلی نسل کشی میں اب تک سڑسٹھ ہزار سے زائد فلسطینی شہید ہوچکے۔

جبکہ ایک لاکھ ستر ہزار کے قریب زخمی ہیں۔ سفاکانہ اسرائیلی ناکہ بندی سے بیس لاکھ افراد فاقہ کشی پر مجبور ہیں۔ قابض اسرائیل اعداد وشمار کے مطابق ظالم اسرائیل کے وحشیانہ حملوں میں غزہ کھنڈر بن چکا ہے اسپتال، مساجد ، گرجا گھر، اسکول کالجز اور تعلیمی اداروں سمیت کچھ سلامت نہیں رہا۔ قاتل اسرائیلی فوج نے سویلین انفرااسٹرکچر تباہ کردیا ہے

جس سے لاکھوں شہری بے گھر ہوچکے ہیں۔علاوہ ازیں غاصب اسرائیل نے ایران، قطر، لبنان، شام اور یمن پر بھی حملے کئے۔ جنگ اور تمام تر کوششوں کے باوجود صہیونی جابر حکومت تحریکِ مزاحمت حماس کی قید سے اڑتالیس قیدی رہا نہیں کرا سکا جس میں سے بیس کے بارے میں خیال ہے کہ وہ زندہ ہیں۔

غزہ میں جنگ بندی کے لیے قابض اسرائیل سمیت دنیا بھر میں مظاہرے اور احتجاج کا سلسلہ بھی جاری ہے۔