غزہ نسل کش جنگ کے دوران ایک اور سفاک صہیونی افسر نے خودکشی کرلی

(روزنامہ قدس ـ آنلائن خبر رساں ادارہ) غزہ میں فلسطینی عوام کے خلاف آپریشن میں مصروف ایک اور صہیونی فوجی افسر نے خودکشی کرلی۔

ذرائع کے مطابق مذکورہ افسر غزہ کے خلاف جنگ میں اپنے ساتھیوں کی ہلاکتوں کے بعد شدید ذہنی دباؤ اور نفسیاتی مسائل کا شکار تھا۔

صہیونی میڈیا نے بتایا کہ اس سال اب تک قابض فوج کے بائیس افسران اور عام اہلکاروں نے خودکشی کی ہے۔

ظالم صہیونی فوج کی داخلی تحقیقات کے نتائج کے مطابق شدید ذہنی دباؤ، لگاتار تھکن اور غزہ میں نسل کش جنگ کے دوران پہنچنے والے صدمے نے فوجیوں کی نفسیات پر منفی اثر ڈالا ہے۔

تحقیقات سے یہ بھی ظاہر ہوا کہ غزہ میں جاری جنگ اور اس کے غیر واضح اہداف نے صہیونی فوجیوں کا حوصلہ ختم اور خودکشی کی شرح میں اضافہ کیا ہے۔

میڈیا رپورٹ کے مطابق ساتھ اکتوبر 2023 سے اب تک کم از کم چوالیس صہیونی فوجیوں نے جنگ سے پیدا شدہ نفسیاتی مسائل کی وجہ سے خودکشی کی ہے۔