(روزنامہ قدس ـ آنلائن خبر رساں ادارہ) صہیونی آبادکاروں سے منسلک عبرانی ذرائع ابلاغ نے اطلاع دی ہے کہ فلسطینی مزاحمت کی ایک کارروائی کے نتیجے میں غزہ کی پٹی کے اندر قابض اسرائیلی فوج کے کئی فوجی زخمی ہو گئے ہیں۔
ان ذرائع کے مطابق زخمی فوجیوں کو مقبوضہ علاقے میں واقع بلینسون ہسپتال منتقل کیا گیا ہے۔ تاہم قابض اسرائیلی فوج نے زخمیوں کی تعداد اور ان کی حالت کے بارے میں تفصیلات فراہم کرنے سے گریز کیا ہے اور فوجی سنسرشپ کے تحت اس کارروائی کی تفصیلات کو روک دیا ہے۔
ذرائع نے بتایا کہ مزاحمت کاروں کے ایک گروپ نے غزہ کے اندر ایک قابض اسرائیلی ٹینک کو دھماکہ خیز مواد سے نشانہ بنایا جس کے نتیجے میں کئی ظالم و سفاک فوجی زخمی ہوئے۔
اس کے علاوہ مجاہدین بریگیڈز نے بدھ کی شام کو اعلان کیا کہ انہوں نے القسام بریگیڈز کے ساتھ مل کر مشترکہ آپریشنز کیے جن میں غزہ کے مختلف علاقوں میں قابض اسرائیلی فوج اور اس کی فوجی گاڑیوں کو ہدف بنایا گیا۔
ایک فوجی بیان میں کہا گیا کہ مزاحمت کاروں نے خان یونس کے جنوبی علاقے میں مفترق مرتجی کے قریب قابض اسرائیلی فوج کے ایک اجتماع پر ایک سو ساتھ ملی میٹر کے کئی راکٹ فائر کیے۔
ایک اور کارروائی میں بریگیڈز نے بتایا کہ انہوں نے غزہ شہر کے مشرقی علاقے الشجاعیہ کے الزیتون محلے میں المصلبہ کے مقام پر ایک قابض اسرائیلی ٹینک میرکافہ کو سَعیر میزائل سے براہ راست نشانہ بنایا جس سے ٹینک کو شدید نقصان پہنچا۔
