غزہ (روز نامہ قدس ۔آن لائن خبر رساں ادارہ) غزہ کی پٹی میں اسرائیلی فوج کی ریاستی دہشت گردی کے نتیجے میں ہفتے کے روز شہید ہونے والے فلسطینی حبیب المصری کو اس کے آبائی علاقے جبالیا کے قبرستان میں سپرد خاک کر دیا گیا۔
روز نامہ قدس کو موصول ہونے والی اطلاعات کے مطابق 24 سالہ شہید حبیب المصری کوہفتے کی شام اسرائیلی فوج نے ایک احتجاجی ریلی کے دوران گولیاں مار کر شہید کر دیا تھا۔ گذشتہ روز جبالیا میں اس کی نماز جنازہ ادا کی گئی۔
شہید کا جسد خاکی مغربی غزہ کے الشفاء اسپتال سے بیت حانون میں اس کے آبائی شہر میں لایا گیا۔ اس موقع پر ہزاروں شہریوں نے اس کی نماز جنازہ میں شرکت کی۔ شرکاء نے اسرائیلی ریاستی دہشت گردی کے خلاف بھی شدید نعرے بازی کی۔