غزہ (روز نامہ قدس ۔آن لائن خبر رساں ادارہ) غزہ کی پٹی میں الاسراء یونیورسٹی کے زیراہتمام ایک عالمی تعلیمی کانفرنس کا انعقاد عمل میں لایا جا رہا ہے۔ اس کانفرنس میں 58 ممالک کی جامعات کی شرکت متوقع ہے۔
روز نامہ قدس کو موصول ہونے والی اطلاعات کے مطابق پانچ اور چھ فروری 2019ء کو ہونے والی کانفرنس کے لیے ’’چیلنج اور مواقع‘‘ کا عنوان دیاگیا ہے۔
کانفرنس میں 58 جامعات، 27 تحقیقی مراکز اور 36ممالک کے مندوبین کو شرکت کی دعوت دی گئی ہے۔ اس کے علاوہ علاقائی اور عالمی تنظیموں کے رہنما بھی کانفرنس میں شرکت کریں گے۔
کانفرنس کی انتظامی کمیٹی کے سربراہ ڈاکٹر عدنان المجلی نے کہا کہ غزہ میں تعلیمی کانفرنس کے انعقاد کا مقصد بالعموم پورے فلسطین بالخصوص غزہ کی پٹی میں جامعات کو درپیش مشکلات، قضیہ فلسطین، تعلیمی اداروں کا قضیہ فلسطین کے لیے کردار اور عرب دنیا، عالم اسلام اور بین الاقوامی سطح پر الاسراء یونیورسٹی کا تعارف کرانا ہے۔