غزہ (روز نامہ قدس ۔آن لائن خبر رساں ادارہ) فلسطینی پناہ گزینوں کے عالمی ادارے ’’اونرو‘‘ نے اپنی رپورٹ میں بتایا ہے کہ غزہ کی پٹی میں آباد 13 لاکھ فلسطینی غذائی قلت کا شکار ہیں۔
روز نامہ قدس کو موصول ہونے والی اطلاعات کے مطابق ’’اونروا‘‘ کی طرف سے جاری رپورٹ میں کہا گیا ہے کہ غزہ کی پٹی پراسرائیلی ریاست کی طرف سےمسلط کردہ ناکہ بندی کے باعث غزہ کی پٹی میں بے روزگاری میں مسلسل اضافہ ہو رہا ہے اور شہریوں کی قوت خرید میں کمی واقع ہو رہی ہے۔ ناکہ بندی اور اسرائیلی پابندیوں کے باعث 68 فی صد خاندانوں کو غذائی کی کمی کا سامنا ہے۔
ادھر غزہ کی پٹی میں اقوام متحدہ کے ادارہ برائے انسانی حقوق ’’اوچا‘‘ نے اپنی رپورٹ میں لکھا ہےکہ اسرائیلی فوج غزہ کی پٹی میں فلسطینی مظاہرین کو ان کی طرف سےخطرہ نہ ہونے کے باوجود فائرنگ کا نشانہ بنایا جاتا ہے جس کے نتیجے میں بے گناہ شہری مارے جا رہےہیں۔ ان کا کہنا تھا کہ گذشتہ سے پیوستہ جمعہ کو غزہ کی مشرقی سرحد پر اسرائیلی فوج نے گولیاں برسا کر دو کم عمر بچوں کو شہید کردیا تھا۔