غزہ خان یونس: غاصب صہیونی بحری فائرنگ سے دو ماہی گیر شہید

(روزنامہ قدس ـ آنلائن خبر رساں ادارہ) آج منگل کی صبح غزہ کے جنوبی شہر خان یونس کے ساحل پر قابض اسرائیلی بحریہ کی براہ راست فائرنگ کے نتیجے میں دو فلسطینی ماہی گیر شہید ہو گئے۔

عینی شاہدین کے مطابق قابض بحریہ نے خان یونس کے سمندر میں فلسطینی ماہی گیروں کی کشتیوں کو نشانہ بنایا اور ان پر اندھا دھند گولیاں برسائیں جس کے نتیجے میں دو بے گناہ ماہی گیر اپنی جان سے ہاتھ دھو بیٹھے۔

یہ افسوسناک واقعہ ایک ایسے وقت میں پیش آیا ہے جب قابض اسرائیلی فوج امریکہ کی کھلی حمایت کے ساتھ ساتھ اکتوبر 2023 سے غزہ میں ایک غیر معمولی نسل کشی کی مہم جاری رکھے ہوئے ہے۔ اس مہم کے نتیجے میں اب تک دو لاکھ اکتیس ہزار سے زائد فلسطینی شہید اور زخمی ہو چکے ہیں جن میں اکثریت معصوم بچوں اور خواتین کی ہے جبکہ نو ہزار سے زائد افراد اب بھی لاپتہ ہیں۔