قابض اسرائیلی فوج کی فائرنگ سے دو فلسطینی مچھیرے شمالی غزہ کی پٹی میں سمندر سے شکار کے وقت زخمی ہو گئے۔
فلسطینی ذرائع نے بتایا کہ اسرائیلی بحریہ کی لڑاکا کشتی نے سوموار کی صبح شمالی غزہ کی پٹی میں سمندری حدود کے اندر مچھلی کا شکار کرنے والے ایک فلسطینی کشتی کا تعاقب کیا اور اس پر فائرنگ کی جس کے باعث دو فلسطینی مچھیرے زخمی ہو گئے، جنہیں کشتی میں سوار ان کے دیگر ساتھیوں نے الشفاء ہستپال داخل کرایا۔اسرائیلی بحریہ غزہ کی پٹی سے متصل سمندر میں مچھلیاں پکڑنے والے فلسطینیوں کو آئے روز گولیوں کا نشانہ بناتے رہتے ہیں۔
یاد رہے کہ اسرائیلی کارروائیاں صہیونی ریاست اور فلسطینی مزاحمتی گروپوں کے درمیان اگست 2014ء میں طے پانے والے جنگ بندی معاہدے کی صریح خلاف ورزیاں ہیں، تاہم اسرائیل کو اپنے کسی بھی عہد کا پاس نہیں ہے۔