(روزنامہ قدس ۔آن لائن خبر رساں ادارہ) صہیونی حکام کی جانب سے معاشی بدحال غزہ شہر میں بارش کے پانی کو صاف کرنے کے لیے درکار پمپس اور دیگر اہم آلات کی اجازت نہ دیے جانے کی وجہ سے بڑی مقدار میں بارش کا پانی گھروں میں گھس آیا ہے۔
تفصیلات کے مطابق مقبوضہ فلسطین کے علاقے غزہ کی پٹی میں صہیونی فوج کے جاری محاصرے کے باعث شہری انتہائی کسمپرسی کی زندگی گزارنے پر مجبور ہیں اور سردیوں کی شدید بارش کے بعدعلاقے میں سیلابی کیفیت پیدا ہو گئی ہے جس کے باعث شہر کے مختلف علاقوں میں پانی بھر گیا اور رہگزروں، گاڑیوں اور اسکول کے طلباء کو آمدورفت میں شدید دشواریوں کا سامنا ہے۔
صہیونی حکام کی جانب سے معاشی بدحال غزہ شہر میں بارش کے پانی کو صاف کرنے کے لیے درکار پمپس اور دیگر اہم آلات کی اجازت نہ دیے جانے کی وجہ سے پانی بڑی مقدار میں گھروں میں گھس آیا ہے جس کے باعث عوام کی مشکلات میں کئی گناہ اضافہ ہو گیا اور بچے سردی کے اس موسم میں اپنےگھروں میں بھی ٹھنڈ کا شکار ہیں جبکہ راستے بند ہونے کے باعث اسکولوں میں جانے سےبھی محروم ہو گئے ہیں۔