(روز نامہ قدس ۔آنلائن خبر رساں ادارہ ) صیہونی فوج کو غزہ میں القسام بریگیڈ، القدس بریگیڈ اور مرتضیٰ علی بریگیڈ سمیت دیگر مزاحمتی تنظیموں کی جانب سے غیرمعمولی جانی اور مالی نقصان کا سامنا ہے ، اسرائیلی فوجی روزانہ اپنے فوجیوں کی لاشیں اٹھارہےہیں۔
غیر قانونی صیہونی ریاست اسرائیل کی جانب سےمقبوضہ فلسطین کےم حصور شہرغزہ پر وحشیانہ بمباری کا سلسلہ 81 ویں روز بھی جاری رہا ہے ، گذشتہ چوبیس گھنٹوں کے دوران اسرائیلی بمباری سے 250 فلسطینی شہید ہوئے اور 500 سے زائد زخمی ہوئے جس کے بعد غزہ میں شہید ہونے والے فلسطینیوں کی تعداد 20،674 ہوگئی ہے 54،536 زخمی ہیں جبکہ 8000 کے قریب تاحال ملبے تلے دبے ہوئے ہیں۔فلسطینی ذرائع نےبتایا ہے کہ شہدا میں 8 ہزار کے قریب بچے اور 6500 خواتین بھی شامل ہیں ۔
فلسطینی وزارت صحت کی جانب سے جاری کردہ بیان میں بتایا گیا ہے کہ آج بھی صہیونی فوج نے غزہ پر جاری بربریت میں مختلف مقامات پر رہائشی مکانات پر وحشیانہ بمباری کی جس کے نتیجے میں میں دسیوں فلسطینی شہید اور زخمی ہوگئے۔
فلسطینی حکام کا کہنا ہے کہ غزہ پر اسرائیلی فوج کی وحشیانہ بمباری کے نتیجے میں مزید سیکڑوں فلسطینی شہید ہوگئے۔ حکام کا کہنا ہے کہ صہیونی فوج کی بمباری سے 90 فی صد آبادی بے گھر اور کھلے آسمان تلے زندگی بسرکرنے پرمجبور اسرائیلی فوج کی طرف سے اجتماعی قتل عام اور ننگی جارحیت کے جرائم کی وجہ سے غزہ میں انسانی المیہ رونما ہوچکا ہے اور قابض فوج ایک ایک گھر میں گھس کر وہاں موجود لوگوں کا قتل عام کررہی ہے۔