غزہ(روز نامہ قدس ۔آن لائن خبر رساں ادارہ)غزہ میں 71ویں یوم نکبہ کے موقع پر ہونے والے پر امن احتجاجی مظاہرین پر قابض اسرائیلی افواج کی فائرنگ سےبچوں ،خواتین اور صحافیوں سمیت 65 افراد زخمی ہوگئے ،غزہ کی وزارت صحت کی جانب سے موصول ہونے والی تفصیلات کے مطابق غزہ میں قابض اسرائیل کی جانب سے حق واپسی کیلئے پرامن احتجام کرنے والے مظاہرین پر براہ راست گولیاں اور آنسو گیس کے شیل برسائے، جس کے نتیجے میں بچوں ،خواتین اور صحافیوں سمیت 65 افراد زخمی ہوگئے۔ فلسطینی قوم ہر سال 15 مئی کو یوم نکبہ مناتی ہے،اسرائیل کے یوم تاسیس کے اگلے روز منائے جانے والے اس دن کا مقصد اسرائیل کے ناجائز قبضے اور فلسطینیوں کی جلاوطنی کو اجاگر کرنا ہے، یوم نکبہ کے موقع پر غزہ سمیت مقبوضہ بیت المقدس کے مختلف علاقوں میں بھی ہڑتال کا سما رہا اور کارو باری سرگرمیا ں معطل رہیں
71واں یوم نکبہ ، اسرائیلی افواج کی فلسطینیوں پر فائرنگ ،خواتین بچوں سمیت 65 افرادزخمی
