(روز نامہ قدس ۔آنلائن خبر رساں ادارہ )قابض اسرائیلی فوج نے حال ہی میں رہا شدہ فلسطینی قیدی کوتفتیش کے لیے دوبارہ تفتیشی مرکز طلب کر لیا۔
تفصیلات کے مطابق قابض اسرائیلی فوج نےگزشتہ دنوں اسرائیلی قید سے رہا ہونے والے بیت الحم کے رہائشی محمد موسی کو دوبارہ تفتیش کے لیے طلب کر لیا۔
مقامی ذرائع کے مطابق گزشتہ روز اسرائیلی فو ج کی نفری نے بیت الحم کے قصبے ال خدر میں واقع محمد موسی کے گھر پر دھاوا بول دیا اور اس کو تفتیش کے لیے دوبارہ طلبی کا کہہ کر واپس روانہ ہو گئے۔
یاد رہے کہ محمد موسی کالے صہیونی قانون کے تحت کئی ماہ سے انتظامی قید کاٹ کر چند ہفتے قبل ہی رہا ہوا تھا،اسرائیل کی پولیس اسے بغیر کسی الزام کے گرفتار کر کے لیے گئی تھی اور جیل میں قید کر دیا تھا۔