خان یونس (روز نامہ قدس ۔آن لائن خبر رساں ادارہ) غزہ کی پٹی کے جنوبی شہر خان یونس میں گیس اسٹیشن میں آگ بھڑک اُٹھی جس کے نتیجے میں کم سے کم 12 افراد زخمی ہوگئے۔
روز نامہ قدس کو موصول ہونے والی اطلاعات کے مطابق آتش زدگی کا یہ واقعہ غزہ کے خان یونس شہر میں المنارہ کالونی میں گھریلو استعمال کے گیس کے ایک گودام میں پیش آیا۔
جھلس کر زخمی ہونے والوں میں فائر بریگیڈ کے پانچ کارکن بھی شامل ہیں۔ مقامی شہریوں کا کہنا ہے کہ آگ ایک گیس ٹینکر میں ہونے والے دھماکے سے لگی جس کے نتیجے میں وہاں پر موجود متعدد افراد زخمی ہو گئے۔