(روزنامہ قدس ۔آن لائن خبر رساں ادارہ) وزارت صحت کے حکام کا کہنا ہے کہ کورونا کی وباء غزہ میں تیزی سے پھیل رہی ہے قابوپانے کیلئے مکمل لاک ڈاؤن کیا جاسکتا ہے۔
مقبوضہ فلسطین کے محصور شہر غزہ میں وزارت صحت کے ترجمان سلامہ معروف نے ایک بیان میں کہا کہ مختلف شعبوں کو کام کے لیے کھولنے کے نتیجے میں کرونا کی وبا میں اضافہ ہوسکتا ہے۔
اگر وبا بے قابو ہونے کا اندیشہ ہوا تو غزہ کے تمام علاقوں میں لاک ڈائون لگانا پڑے گا۔انہوں نے شہریوںپر زور دیا کہ وہ کرونا کی وبا کی روک تھام کے لیے حفاظتی ایس اوپیز پرسختی کے ساتھ عمل درآمد کریں۔سلامہ معروف کا کہنا تھا کہ ہم کرونا کے پہلے مرحلے سے دوسرے مرحلے کی طرف منتقل ہوچکے ہیں۔
خیال رہے کہ گذشتہ چوبیس گھنٹوں کے دوران غزہ کی پٹی میں کرونا کے 185 کیسز کی تصدیق کی گئی ہے۔