(روزنامہ قدس ۔آن لائن خبر رساں ادارہ) اسمعیل ہنیہ نےکچھ روز قبل ہونے والےمصری فوج کے ہاتھوں 2 فلسطینی ماہی گیربھائیوں کی شہادت پر سوگوار خاندان سے تعزیت کی اورگرفتار ہونے ولے تیسرے بھائی کی بحفاظت واپسی کے لیے اپنے ساتھ کا یقین دلایا ۔
ذرائع کے مطابق گزشتہ روز اسلامی مزحمتی تحریک حماس کے سیاسی شعبے کےسربراہ اسمعیل ہنیہ نے الزاؤزا خاندان سے ملاقات کی اورسوگوار خاندان کے دو بیٹوں ماہی گیر محمود اور حسن کی شہادت پر تعزیت کی ساتھ ہی انہیں ان کے تیسرے بیٹے یاسر الزاؤزو کیتفصیلات سے آگاہ کرتے ہوئے بتایا کہ اس کی بحاظت غزہ واپسی کی کوششوں میں مصری حکومت کے ساتھ رابطے میں ہیں ۔
انہوں نے متاثرہ خاندان کو یقین دلاتے ہوئے کہا کہ حماس اس بڑے نقصان میں ہر قدم پر ان کے ساتھ ہے ۔
انہوں نے کہا کہ صہیونی طاقتیں فلسطینوں پر مظالم اور غیر انسانی سلوک کی داستانیں رقم کر رہی ہیں جبکہ غزہ کی پٹی کے رہائشیوں پر مسلط کردہ صہیونی ناکہ بندی جو کہ بلاجواز ہے اور بین الاقوامی قانون کی خلاف ورزی ہے مجبور فلسطینیوں کو اپنے بچوں کی روزی اور معاش کے حصول کو مشکل سے مشکل بنارہی ہیں جسے جاری نہیں رہنے دیا جاسکتا ۔
واضح ر ہے کہ تحریک حماس کی جانب سے گذشتہ جمعہ کے روز ہونے والے اس پر تشدد واقع کی شدید مذمت کی گئی تھی جس میں علی الصبح غزہ کی پٹی میں رفح کی سمندری سرحد پر مصری فوج نے ایک ہی خاندان کے3 فلسطینیوں پر فائرنگ کردی تھی جس کے نتیجے میں1ماہی گیر زخمی اور 2موقع پر شہید ہوگئے تھے تاہم فائرنگ کے بعد ہی مصری فوج نےزخمی ہونے والے ماہی گیر کو گرفتار کرلیا تھا ۔