(روزنامہ قدس ۔آن لائن خبر رساں ادارہ) غزہ میں سیکڑوں مظاہرین نے فرینچ کلچرل سینٹر کے سامنے فرانس میں حکومتی سرپرستی میں گستاخانہ خاکوں کی تشہیر کے خلاف احتجاجی مظاہرہ کیا۔
مقامی ذرائع کے مطابق آج مقبوضہ فلسطین کے محصور شہر غزہ میں فرنچ کلچرل سینٹر کے باہر مختلف شعبہ ہائے زندگی سے تعلق رکھنے والے سیکڑوں شہریوں جن میں بزرگ اور بچے بھی شامل تھے نے فرانس میں حکومتی سرپرستی میں نبی کریم صلی اللہ علیہ وآلہ وسلم کی شان میں گستاخانہ خاکوں کے خلاف احتجاجی مظاہرہ کیا ۔
مظاہرین نے فرانسیسی حکومت کے خلاف سرکار دوعالم صلی اللہ علیہ وسلم کی ناموس کی حفاظت کے عزم کے پلے کارڈز اٹھا رکھے تھے۔
مظاہرین نے سابق مصری صدر کے تاریخی جملے دھراتے ہوئے کہا کہ ذاتِ نبی ﷺ ہمارے لئے سرخ لکیر ہے احترام اسی کا ہوگا جو ہمارے نبی ﷺ کا احترام کرے گا اس سے ہمارا اعلان جنگ ہے جو ہمارے نبی ﷺ کی توہین کرے گا۔