غزہ (روز نامہ قدس ۔آن لائن خبر رساں ادارہ) غزہ کی پٹی کے شہریوں پر عمرے کی ادائیگی پر عائد کردہ پانچ سالہ پابندی کے بعد کل 800 معتمرین کا قافلہ حجاز مقدس روانہ ہوگیا۔
روز نامہ قدس کو موصول ہونے والی اطلاعات کے مطابق فلسطینی وزارت مذہبی امور اور اوقاف کی طرف سےجاری کردہ بیان میں کہا گیا ہے کہ غزہ کے شہریوں کی حجاز مقدس روانگی اور عمرہ کی ادائیگی کی تمام تیاریاں مکمل کی جا چکی ہیں۔ غزہ سےاس سال 800 متعمرین عمرہ ادا کریں گے۔ غزہ کی پٹی سے فلسطینی ’’رفح‘‘کراسنگ سے گذرکر مصر کے دار الحکومت قاہرہ تک بسوں کے ذریعے سفرکیا اور وہاں سے ہوائی جہازوں کے ذریعے حجاز مقدس روانہ ہوں گے۔
خیال رہے کہ غزہ کی پٹی کے عوام گذشتہ 5 سال سے عمرہ کی ادائیگی سے محروم ہیں۔ پانچ سال میں یہ پہلا موقع ہے جب غزہ کے عوام کو عمرہ کی ادائیگی کی اجازت دی گئی ہے۔ گذشتہ روز عمرہ کی ادائیگی کے لیے جانے 15 شہریوں کو مصر نے وجہ بتائے بغیر واپس غزہ بھیج دیا۔