غزہ (روز نامہ قدس ۔آن لائن خبر رساں ادارہ) غزہ کی پٹی کی سرحد پر قائم صیہونی فوج کے ایک کیمپ سے پراسرار طور پر اسلحہ غائب ہوا جس کی تلاش جاری ہے۔
روز نامہ قدس کو موصول ہونے والی اطلاعات کے مطابق عبرانی ٹی وی 10 کی رپورٹ میں بتایا ہے کہ مشرقی غزہ کی سرحد پر ایک M-16 گن غائب ہوگئی ہے جس کی تلاش جاری ہے۔ یہ بندوق مشرقی غزہ کی سرحد پر قائم ناحال عوز فوجی اڈے سے غائب ہوئی ہے۔
اسرائیل کی ملٹری پولیس کا کہنا ہے کہ اس نے اسلحہ غائب ہونے کے واقعے کی تحقیقات شروع کر دی ہیں۔
خیال رہے کہ غزہ کی پٹی کے فلسطینی متعدد بار سرحدی باڑ عبور کرنے کے بعد اسرائیلی فوجی چوکیوں سے اسلحہ چوری کرنے میں کامیاب رہے ہیں۔ اس بار پھر اسرائیلی حکام کو شک ہے کہ یہ کارروائی کسی فلسطینی مزاحمت کار کی ہوسکتی ہے۔