غزہ پر مزيد دو اسرائيلي حملوں ميں آٹھ افراد جاں بحق۔

غير ملکي خبر رساں ايجنسي کے مطابق اسرائيلي کابينہ نے ريزرو فوجيوں کي بھرتي کي منظوري دے کر ايک بار پھر عالمي امن کے خواہش مندوں کو بے چين کر ديا ہے۔ اسرائیل ان فوجیوں کو غزہ میں کسی بھی ممکنہ زمینی کارروائی میں استعمال کرسکتا ہے۔ جو پہلے ہی غزہ پر فضائی حملے جاری رکھے ہوئے ہے۔ غزہ کے وسطي اور جنوبي علاقوں ميں اسرائيلي فضائي فورسز کے حملوں ميں آٹھ افراد جاں بحق ہوگئے ہيں گزشتہ چار روز ميں اسرائیلی طیاروں کی غز ہ اور اس سے ملحقہ علاقوں میں بمباری سے خواتین اوربچوں سمیت38 فلسطینی جاں بحق ہوچکے ہيں۔ اسرائیل نے غزہ کے اطراف تمام مرکزی شاہراہیں بند کردی ہیں۔ غزہ میں فوجی آپریشن تیز کرنے کے لیے اسرائیل نے زمینی فوجی دستے، ٹینکوں اور بکتر بند گاڑیوں کو الرٹ کردیا ہے۔ فلسطینی صدر محمود عباس نے عرب لیگ کے سیکریٹری جنرل کو غزہ کا دورہ کرنے کی دعوت دی ہے جبکہ اقوام متحدہ کے سیکریٹری جنرل نے جلد غزہ کا دورہ کرنے کا اعلان کیا ہے۔