(روزنامہ قدس ۔آن لائن خبر رساں ادارہ) دو ہفتے قبل غزہ پر اسرائیلی وحشیانہ بمباری میں زخمی ہونے والا فلسطینی زخموں کی تاب نہ لاتے ہوئے گزشتہ روز شہید ہوگیا۔
فلسطینی وزارت صحت کی جانب سے جاری کردہ ایک بیان میں کہا گیا ہے کہ گزشتہ تیرا سالوں سے صیہونی ریاست کی جانب سے غیر قانونی محاصرے کا شکار شہر غزہ پر اسرائیلی فوج نے وسط نومبر کے وسط میں وحشیانہ بمباری کی جس کے نتیجے میں سو سے زائد فلسطین زخمی اور 36 شہید ہوگئے تھے، زخمیوں میں الشجاعیہ کا رہائشی 30 سالہ راید السرساوی گزشتہ روز زخموں کی تاب نہ لاتے ہوئے شہید ہوگیا جس کے بعد خواتین اور بچوں سمیت شہدا ء کی تعدا37 ہوگئی ہے ۔
فلسطین کی مزاحمتی تحریک اسلامی جہاد کی طرف سے جاری ایک بیان میں السرساوی کو تنظیم کا ایک اہم مجاھد کمانڈر بتایا گیا ہے جو اسرائیلی فوج کی وحشیانہ بمباری سے زخمی ہوگیا تھا۔خیال رہے کہ وسط نومبر کو اسرائیلی فوج نے غزہ کی پٹی پرکی گئی بمباری کے نتیجے میں خواتین اور بچوں سمیت 36 فلسطینی شہید اور 111 زخمی ہوگئے تھے۔