غزہ (روز نامہ قدس ۔آن لائن خبر رساں ادارہ) فلسطین کے محصور علاقے غزہ کی پٹی میں اقوام متحدہ کے ترقیاتی پروگرام کے ذریعے 3500 نوجوانوں کے لیے روزگار کے مواقع مہیا کرنے کا اعلان کیا گیا ہے۔
روز نامہ قدس کو موصول ہونے والی اطلاعات کے مطابق اقوام متحدہ کے مندوب برائے مشرق وسطیٰ نیکولائے میلاڈینوف نے غزہ میں تعلیم، صحت اور بنیادی سروسز کے ایک معاہدے پر دستخط کیے۔ اس پروگرام کے ذریعے غزہ میں 3500 بے روزگار افراد کو روزگار فراہم کیا جائے گا۔
میلاڈینوف کا کہنا ہے کہ پہلے پانچ منصوبوں یں عارضی طورپر 3500 افراد کو روزگار ملے گا۔ اس کے علاوہ شہریوں کو تعلیم، صحت اور دیگر شعبوں میں مدد ملے گی۔
ان کا کہنا تھا کہ غزہ کی پٹی کے علاقے کو ایک بار پھر جنگ کا میدان بننے سے بچانے کے لیے غزہ میں ترقیاتی منصوبوں پر جلد ازجلد کام شروع کرنا ضروری ہے۔
فلسطینی پناہ گزینوں کی بہبود کے لیے قائم اقوام متحدہ کے امدادی ادارے’’اونروا‘‘ نے چند روز قبل غزہ میں 6400 فلسطینیوں کو روزگار فراہم کرنے کا اعلان کیا تھا۔