(فلسطین نیوز۔مرکز اطلاعات) فلسطین کے علاقے غزہ کی پٹی کے جنوبی شہر خان یونس کے مغرب میں واقع جامعہ الاقصٰی کے قریب ایک ٹریفک حادثے میں کم سے کم دو شہری جاں بحق اور گیارہ زخمی ہوگئے۔
رپورٹ کے مطابق شہری دفاع کے عہدیداروں نے بتایا کہ جنوبی غزہ کی پٹی میں تیز رفتار سڑک پر حادثہ اس وقت پیش آیا جب دو کاریں آپس میں ٹکرا گئیں۔ آپس میں متصادم کاریں بری طرح ٹوٹ پھوٹ کا شکار ہوئی ہیں جب گیارہ افراد زخمی ہوئے ہیں۔ زخمی ہونے والے فلسطینیوں کو مقامی اسپتالوں میں منتقل کردیا گیاہے۔ طبی ذرائع کا کہنا ہے کہ زخمیوں میں سے بعض کی حالت تشویشناک ہے۔