غزہ (روز نامہ قدس ۔آن لائن خبر رساں ادارہ) فلسطین کے علاقے غزہ اور مصر کی سرحد پرایک سرنگ میں دم گھٹنے سے ایک فلسطینی شہری جاں بحق ہوگیا۔
روز نامہ قدس کو موصول ہونے والی اطلاعات کے مطابق غزہ کی پولیس نے سرحد پرموجود ایک سرنگ سےایک فلسطینی کی لاش نکالنے کے بعد اسپتال منتقل کی ہے۔ شہید ہونے والے فلسطینی کی شناخت 28 سالہ صبحی ابو قرشین کےنام سے کی گئی ہے۔
غزہ میں پولیس افسر راید العکر نے کہا کہ پولیس کو سرحد پر ایک شہری کی سرنگ میں پھنس جانے کی اطلاع ملی۔ پولیس نے ریسکیو ٹیموں کی مدد سے سرنگ میں تلاشی شروع کی تو توانہیں ابو قرشین کی لاش برآمد ہوئی۔ ان کا کہنا تھا کہ ابو قرشین کی موت سنرنگ میں دم گھٹنے سے ہوئی۔
مقامی ذرائع کے مطابق مصری فوج نے غزہ کی مشرقی سرحد پر فلسطینیوں کی ایک سرنگ کو بمباری سے نشانہ بنانے کے ساتھ اس میں زہریلی گیس چھوڑی گئی جس کے نتیجے میں فلسطینی شہری کی موت واقع ہوئی ہے۔