غزہ میں جابر اسرائیلی ایجنٹوں کے خلاف سزائے موت کی مہم شروع

(روزنامہ قدس ـ آنلائن خبر رساں ادارہ) فلسطین کی مزاحمتی سکیورٹی فورسز کے ایک سینئر ذریعے نے تصدیق کی ہے کہ مزاحمتی دھڑے غزہ شہر میں قابض اسرائیل کے ایجنٹوں اور اس کے ساتھ تعاون کرنے والوں کے خلاف وسیع پیمانے پر سزائے موت کی مہم شروع کرنے جا رہے ہیں۔

سکیورٹی ویب سائٹ ’’المجد الأمنی‘‘ نے اس ذریعے کے حوالے سے بتایا کہ مزاحمت اور اس کے سکیورٹی اداروں کی جانب سے غزہ میں قابض دشمن کے ایجنٹوں کے خلاف ایک بڑی پھانسی مہم کے آغاز پر سنجیدہ غور و فکر مکمل ہو چکا ہے۔

ذرائع نے وضاحت کی کہ اس مہم کا مقصد قابض صہیونی خفیہ ایجنسی کی صلاحیت کو مفلوج کرنا ہے تاکہ وہ غزہ میں جاری معرکے کے دوران اپنے جاسوسی اور تخریبی نیٹ ورک کو استعمال نہ کر سکے۔

یہ فیصلہ ایسے وقت میں سامنے آیا ہے جب قابض اسرائیلی فوج نے غزہ شہر پر اپنی جارحیت میں مزید اضافہ کرتے ہوئے وسیع پیمانے پر بمباری اور رہائشی عمارتوں کو مسمار کرنے کی مہم تیز کر دی ہے۔