(روزنامہ قدس ۔آن لائن خبر رساں ادارہ) فلسطینی سول ڈیفنس کے اہلکاروں نے غزہ میں صیہونی فوج کے لڑاکا طیاروں کی جانب سے اسکول پر داغے گئے میزائل کو بحفاظت محفوظ مقام پر منتقل کردیا ہے۔
مقامی ذرائع کے مطابق آج صبح صیہونی لڑاکا طیاروں نے مقبوضہ فلسطین کے محصور شہر غزہ میں بیچ کیمپ کے مقام پرفلسطینی پناہ گزینوں کیلئے قائم کردہ اقوام متحدہ کےادارے ریلیف اینڈ ورکس ایجنسی کے تحت چلنے والے اسکول پر ایک میزائل فائر کیا جو خوش قسمتی سےپھٹ نہ سکا ۔
بم کی اطلاملتے ہیں اسکول کی سرگرمیوں کو فوری طورپر معطل کرتے ہوئے فلسطین سول ڈیفنس اور متعلقہ اداروں کو طلب کیا گیا جنہوں نے صیہونی فوج کے داغے گئے میزائل کو بحفاظت محفوط مقام پر منتقل کردیا ، ذرائع کا کہنا ہے کہ اگر یہ میزائل پھٹ جاتا تو بڑے پیمانےپر بچوں کے شہید ہونے کا خدشہ تھا ۔