غزہ (روز نامہ قدس ۔آن لائن خبر رساں ادارہ) مسلسل پانچ سال کی پابندی کے بعد غزہ سے عمرہ زائرین کا دوسرا قافلہ گذشتہ روز مصر کے راستے حجاز مقدس روانہ ہوا۔
روز نامہ قدس کو موصول ہونے والی اطلاعات کے مطابق غزہ سے عمرہ زائرین کا قافلہ بس کے ذریعے رفح کراسنگ سے گزر کر قاہرہ پہنچا جہاں سے وہ مناسک عمرہ کی ادائیگی کے لیے ہوائی جہاز سے سعودی عرب روانہ ہوگیا۔
خیال رہے کہ ایک ہفتے میں غزہ کے عمرہ زائرین کا سعودی عرب جانے والا یہ دوسرا قافلہ ہے۔ اس سال غزہ کے 800 شہری عمرہ کی ادائیگی کی سعادت حاصل کریں گے۔
شیڈیول کے مطابق غزہ کے عمرہ زائرین مارچ کے ہراتوار کو مصر کے راستے سعودی عرب روانہ ہوں گے۔
خیال رہے کہ سنہ 2013ء میں مصر میں اخوان المسلمون کی منتخب حکومت کا تختہ الٹنے جانے کے مصر اور غزہ کی پٹی کےدرمیان حالات کشیدہ ہوگئے تھے۔ مصری حکومت نےغزہ کے شہریوں کو عمرہ کی سعادت کے لیے اپنی سرزمین استعمال کرنے سے روک دیا تھا جب کہ اسرائیلی کی طرف سے مسلط کردہ ناکہ بندی کے باعث فلسطینی شہری حج وعمرہ کی سعادت سے تیرہ سال سے محروم ہیں۔