غزہ سے اسرائیل میں راکٹ حملےجاری ہیں، اسرائیلی فوجی ترجمان

(روزنامہ قدس ۔آن لائن خبر رساں ادارہ) اسرائیلی فوج کے ترجمان نے کہا ہے کہ غزہ سے اسرائیل میں راکٹ حملے جاری ہیں ، کل رات بھی دو راکٹ اسرائیل میں داغے گئے۔

اسرائیلی فوج کے ترجمان کا کہنا ہے کہ گزشتہ شب اسرائیلی فضائی دفاعی سسٹم آئرن ڈوم نے غزہ سے دو مختلف اوقات میں داغے گئے  راکٹوں کو فضاء میں تباہ کردیا ۔

فوجی ترجمان نے بتایا کہ "ایک میزائل کو غزہ کے سرحدی علاقےسے لانچ کیا گیا جبکہ دوسرے کو وسطی علاقے سے اسرائیل کے شمالی  اور مشرقی حصوں کو نشانہ بنایا گیا تاہم آئرن ڈوم نے دونوں راکٹوں کو فضاء میں ہی تباہ کردیا اور کسی قسم کا کوئی جانی یا مالی نقصان نہیں ہوا ۔