(روزنامہ قدس ۔آن لائن خبر رساں ادارہ) گزشتہ کئی ماہ سے بندش کا شکار رفح کراسنگ کو تین روز کیلئے بحال کردیا گیا جس کے بعدپہلے روز تقریبا 900 مسافروں نےآمدورفت کیلئے استعمال کیا۔
مقبوضہ فلسطین کے محصور شہر غزہ میں بارڈ کراسنگ امور کے ڈائریکٹر فواد ابو بطیحان کا کہنا ہے کہ غزہ کی واحد بین الاقوامی گذرگاہ رفح کراسنگ کئی ماہ کی بندش کے بعد تین روز کے لیے دو طرفہ آمدورفت کے لیے کھول دی گئی ہےجس کے بعد بیرون ملک پھنسے 503 فلسطینی بیرون ملک سے غزہ داخل ہوئے جبکہ غزہ سے 396 مسافر بیرون ملک روانہ ہوئے، مجموعی طور پر ایک روز میں 900 مسافروں نے رفح گذرگاہ کے ذریعے آمدورفت سے فائدہ اٹھایا ۔
فواد ابو بطیحان نے بتایا کہ کوروناوائر کے خطرے کے پیش نظر بیرون ملک سے آنے والے فلسطینیوں کو 21 روز تک قرنطینہ مرکز میں رکھا جائےگا۔