(روز نامہ قدس ۔آنلائن خبر رساں ادارہ)سرایا القدس کی فوجی میڈیا نے حال ہی میں جبالیہ کیمپ کے مشرق میں شہری انتظامیہ کے قریب ایک اسرائیلی فوجی گاڑی کو بم سے تباہ کرنے کی تصاویر جاری کیں۔
فلسطین پر قابض غیر قانونی صیہونی ریاست اسرائیل کے مظالم اور دہشتگردی کے خلاف برسرپیکار فلسطینی مزاحمتی تحریک سرایا القدس – طوباس نے اعلان کیا کہ ان کے جنگجو سرية الفارعة میں اسرائیلی فوج کے حملے کے خلاف سخت جنگ لڑ رہے ہیں، اور انہوں نے تنک کے محاذ پر اسرائیلی فورسز پر شدید گولہ باری کی، جس کے نتیجے میں براہ راست نقصانات ہوئے۔تنظیم کی جانب سے جاری کردہ دستاویز میں دیکھا جاسکتا ہے کہ کس طرح مجاہدین نے صیہونی دشمن کی فوجی گاڑی کو بم سے تباہ کیا ۔
واضح رہے کہ غزہ پر گذشتہ پندرہ ماہ سے امریکہ اور مغربی ممالک کی حمایت سے جاری اسرائیلی دہشتگردی میں اسرائیل نے طاقت کا بدترین استعمال جاری رکھا ہوا ہے جس کے نیتجےمیں اب تک 46 ہزار سے زائد فلسطینی شہید اور ایک لاکھ سے زائد زخمی ہوچکے ہیں تاہم اس کے باوجود فلسطینی مزاحمتی تحریکوں نے صیہونی دشمن کو کاری ضربیں لگانے کا سلسلہ جاری رکھا ہواہے۔