عرب یونیورسٹیوں کی یونین کا کہنا ہے کہ عرب یونیورسٹیاں اپنی خدمات جلد غزہ کی پٹی تک پھیلائیں گی۔ اردن کےدارالخلافے عمان میں قائم اپنے ہیڈ کوارٹر سے جاری بیان میں کہا گیا کہ لگاتار پانچ سال سے اسرائیلی محاصرے میں گھرے اہل غزہ کے لیے عرب ممالک کی یونیورسٹیوں میں داخلہ لینا جلد ممکن ہو جائے گا۔
منگل کے روز عمان میں منعقد کی گئی ایک تقریب سے عرب یونیورسٹیز یونین کے سیکرٹری جنرل ڈاکٹر سلطان عرابی اور غزہ کی اسلامک یونیورسٹی کے چیئر مین کمالین شعث نے خطاب کیا۔
ابو عرابی نے کہا کہ یونین عرب یونیورسٹیز کی یونین اسلامک یونیورسٹی سے اپنے تعاون کو بڑھا کر اسرائیلی محاصرے کے سبب انتہائی مشکلات میں گھرے غزہ کے طلبہ کو سروسز کی فراہمی جلد شروع کردے گی۔
اس موقع پر اسلامک یونیورسٹی غزہ کے چیئرمین شعث نے غزہ کے طلبہ کو اکیڈمک سہولیات فراہم کرنے پر عرب یورنیورسٹی کی یونین کا شکریہ ادا کیا۔
واضح رہے کہ عرب یونیورسٹیز یونین ایک آزاد خود مختار ادارہ ہے جس کا صدر دفتر عمان میں ہے یہ یونین عرب یونیورسٹیوں کی مالی مدد اور ان کو درپیش مسائل کے حل کے لیے کوشاں ہے۔