غزہ(روز نامہ قدس ۔آن لائن خبر رساں ادارہ) غزہ میں صیہونی فوج کے جنگی طیاروں نے بیت لاھیا اور عسقلان کے مقامات پر بمباری کی جس کے نتیجے میں ایک فلسطینی شہری شہید اور 4 زخمی ہوگئے۔
روز نامہ قدس کو موصول ہونے والی اطلاعات کے مطابق منگل اور بدھ کی درمیانی شب اسرائیلی فوج نے غزہ کی پٹی پر وحشیانہ بمباری کی جس کے نتیجے میں محمود العبد النباھین شہید اور چار فلسطینی زخمی ہوگئے۔
فلسطینی محکمہ صحت کی طرف سے جاری بیان میں کہا گیا ہے کہ اسرائیلی ٹینکوں اور توپ خانے سے کی جانے والی گولہ باری کے نتیجے میں کم سے کم چار فلسطینی زخمی ہوگئے۔
ادھر غزہ کی پٹی کی سرحد پر فلسطینیوں کی فائرنگ سے ایک اسرائیلی فوجی شدید زخمی ہوگیا۔
غزہ میں منگل کے روز اسرائیلی ٹینک سے گولہ باری میں حماس کاایک رکن شہید ہوگیا تھا۔ اسرائیل کا کہنا ہے کہ تازہ گولہ باری سرحد پر دراندازی کے دوران اسرائیلی فوجی کے زخمی ہونے اور عنیگیو کے مقام پر پرتشدد احتجاجی مظاہروں کا رد عمل ہے۔