فلسطین کے علاقے غزہ کی پٹی پر سوموار کو علی الصباح اسرائیلی فوج نے دو الگ الگ مقامات پر میزائل حملے کئے ہیں تاہم ان حملوں میں اب تک کسی قسم کے جانی نقصان کی اطلاع نہیں مل سکی۔
مقامی فلسطینی ذرائع کا کہنا ہے کہ ایک فضائی حملہ شمال مغربی غزہ کی پٹی میں السودانیہ کے مقام پر پولیس ہیڈ کواٹر پرکیا گیا جس کے نتیجے میں پولیس مرکز کی عمارت کو نقصان پہنچا ہے۔ اس کے چند منٹ کے بعد دوسراحملہ غزہ میں زیتون کالونی میں القسام بریگیڈ کے ایک مرکز کو نشانہ بنایا گیا۔ تاہم میزائل ویران علاقے میں گرا جس کے نتیجے میں کسی قسم کا نقصان نہیں ہوا ہے۔قبل ازیں اسرائیلی فوج کی جانب سے جاری ایک بیان میں دعویٰ کیا گیا تھا کہ غزہ کی پٹی سے جنوبی فلسطین کے علاقے جزیرہ نما النقب میں ایک راکٹ حملہ کیا گیا تھا۔