فلسطین کے علاقے غزہ کی پٹی میں اسرائیلی فوج نے گولیاں مار کرایک عمر رسیدہ فلسطینی خاتون کو شدید زخمی کردیا۔ 68 سالہ فلسطینی خاتون کو شدید زخمی حالت میں اسپتال لے جایا گیا ہے جہاں اس کی حالت تشویشناک بیان کی جاتی ہے۔
رپورٹ کے مطابق گذشتہ روز اسرائیلی فوجیوں نے وسطی غزہ کی پٹی میں البریج پناہ گزین کیمپ پر فائرنگ کی جس کی زد میں آکر 68 سالہ سفعہ ابو سعید شدید زخمی ہو گئی۔
عینی شاہدین نے بتایا کہ قابض فورسز نے البریج پناہ گزین کیمپ کی مشرقی حدود میں فلسطینی خاتون کو گولیوں سے نشانہ بنایا۔